انت هنا : الرئيسية » الشعر » فراج زايد& عايد المحيلبي طاروق من قروب شعراء العوازم

فراج زايد& عايد المحيلبي طاروق من قروب شعراء العوازم

فراج زايد
يامرحبا بالحضور اللي تسد الغياب
ارتاح لحضورها وانشد عن غيابها

الذيب يبغا العشا وهو سريع انقلاب
اما تغدابها و الا تعشا بها

عايد المحيلبي
دام البقا ياهلا ياشاعرن ماتهاب
والسالفه بيننا وانته من اسبابها

ياذيب تاكل لحم والا تحب الشراب
ترى الذيابه على ماقيل بأنيابها

فراج زايد
وراك حطيت نفسك بين ضرسن و ناب
ياللي عيونك مطبقةٍ على اهدابها

لاصرت تكتب ولاتقرا دروس الكتاب
ميعادك الزاويه واطلع من ابوابها

عايد المحيلبي
المشكله قيل من ضيع علوم الشباب
ياكلمةٍ ضاع قايلها و طلابها

إليا ذبحك الغرور اطيح تحت التراب
ياعلة الكبد يالله تقطع اسبابها

فراج زايد
ياللي تحدد عيونك قبل حد الحراب
البل تراها ماشفت عوج ارقابها

امنت بالله لو كل الدعا يستجاب
يمكن بعض الاوادم يقلب اترابها

عايد المحيلبي
فراج يركض عبث والا يطارد سراب
المشكله لحيتةٍ ماعزت اشنابها

انته تدور هدف والا تدور خراب
الناس ماهي على ماقيل تهوابها

فراج زايد
انته مبين على وجهك بوادر عذاب
لاشك لاتنام ثم غترتك يسرابها

انكان في صدرك المطعون زود التهاب
لاتاكلك شعلتك يوم انت شبابها

عايد المحيلبي
المشكله لو زعلت اتطق في كل باب
مير انتبه للعلوم اللي تغنابها

انكان تالي الزمان ضاقت عليك الثياب
الله يذكر مضى الايام و اصحابها

جميع الحقوق محفوظة لـ "جريدة العوازم الإخبارية الموقع الرسمي "

الصعود لأعلى