انت هنا : الرئيسية » الشعر » عبدالله بن كليب & حمد بن معترم طاروق من قروب شعراء العوازم

عبدالله بن كليب & حمد بن معترم طاروق من قروب شعراء العوازم

عبدالله بن كليب
سلام رديه تفك إحصار غزه في ثوان
وتحرر القدس وتحافظ له على قدسيته

ابن معترم يضمن حقوقه بشركات الضمان
حتى الزمن ماعاد يفرق حسنته من سيته

حمد بن معترم
يامرحبا ترحيبتن تبقى على مر الزمان
وإن سمعها المجنون تهدا أعصابه ونفسيته

ابن معترم ماعليه خلاف زان الليل زان
وابن كليب الله يعينه ما لبس شمسيته

عبدالله
ابن كليب الله يبارك فيك جاز الإمتحان
وأنته سوات اللي يدس السم في طاقيته

يرضيك قسمك يوم حصلته بعد فات الأوان
بالله وش يسوى البنادم لافقد شخصيته

حمد
تراي لي هلحين ماقلت لفلان ولا فلان
يا شاعرن تال الليالي ركبته جنيّته

حنا بخير وعافيه والدار لا زالت بأمان
وانتم حييتو ثم متو فالبلاد الميّته

عبدالله
إن قلت وإن ماقلت مالك بأوسط الديره مكان
ياشاعرن ضاعت علومه وأفتقد شعبيته

بالله لا تزعل ليامني ذبحت أم الحصان
أم الحصان اللي حوافرها على صدريته

حمد
شانت نفوس الناس يوم اصبح لنا فالدار شان
واللي سواتك لو جيته مازعل من جيّته

تذبح وتصلخ بالحكي والسرمده يابو لسان
يافارس لو ينذبح ماحدن نشد عن ديّته

عبدالله
يالشاعر الي لو يجيه العون من ساحر عمان
ماقام حظه قدم شعارٍ تميز نيته

‪عيديتك عندي وبعايدك في عيد رمضان
واللي سواتك ياعميلي تنحفظ عيديته

حمد
من طاوع ابليس اللعين اينام لا سمع الاذان
لو ما بغى يزمر عليه ابليس لين يبيّته

جميع الحقوق محفوظة لـ "جريدة العوازم الإخبارية الموقع الرسمي "

الصعود لأعلى