انت هنا : الرئيسية » الشعر » حامد بن حويان& أحمد بن حبيليص طاروق من قروب شعراء العوازم

حامد بن حويان& أحمد بن حبيليص طاروق من قروب شعراء العوازم

حامد بن حويان

انا لا صدّفني شاعر ٍ محترّم وبخيص
نسّجتّله قاف ٍ لجّل ذوقه ،، ولعيّونه

ياسوق الغلا “.. وعكاظ غالي ماهو برخيص
ياكم تاجر ٍ ماتت هقاويه ،، من دونه

أحمد راشد بن حبيليص

وأنا ما اعترف في شاعرٍ ما معه ترخيص
ومن ما معه ترخيص وشهو تسمونه

يا سوق الغلا ما من حلا كان حيص وبيص
لو إن المشاعر منك بالحيل مشحونه

حامد
لاتخطي ويّلحقك الخطا “.. يابن حبيليص
ترا الناس شرّهه ،، وانت جمرّه بغليونه

لوّ ان شجرّة الزيتون عاشت “.. بواد العيص
لقيت المداين ،، كلّ بايع وزيتونه

أحمد
عيون المها .. ماهي سوايا عيون النيص
ورى الوعل الأملح يحدم الضلع بقرونه

ولا تدخل القرعه ليا ما معك تخصيص
عسى من خذا له دور .. دوره يحوشونه

حامد

ياشوعي خذ التباب “.. والموج شق البيص
فلا ربّما الاسعاف ،، ماعاد يلقونه

لوّ انّه من الفرّعي “.. طمرّ شارعك ياخريص
ترا شرطّتك يالأمن ،، يبى يصيدونه

أحمد

يجي للمرض دكتور عله مع تشخيص ..
عسى علته ما هيب في سوسة سنونه

تركد ترى موترك يحتاج له ترصيص ،،
ومن بعد ترصيصه تفحّص دركسونه

حامد

يقولون وشّ يرّضيك واقول “.. راس غليص
يبى يقطعه سيف المعرّفه ،، من متونه

حرّام آكلة الخنزير “.. واشوف ابا العريّص !
على جار نار ٍ آكّــلة الـذنب ،، يشّوونه

أحمد

نبي ليلة الجمعه تلخص لنا تلخيص ،،
وأبي كل خلق الله معانا يشوفونه

ما أحب المجامل وأترك الهذر والتنقيص،،
تـرى مـن يـبا كـيّه في عـلـباه يكـونـه

جميع الحقوق محفوظة لـ "جريدة العوازم الإخبارية الموقع الرسمي "

الصعود لأعلى