انت هنا : الرئيسية » الشعر » جمعان وقيان / البارحه من ذكرتك ماني بطيب

جمعان وقيان / البارحه من ذكرتك ماني بطيب

البارحه من ذكرتك ماني بطيب
ماغير اهوجس واقول شلون ينساني

ومن دون مااشعر سريت وكني مغيب
عنيت يمك .. تقول القلب مشاني

منته بحولي ولا حول الهوى .. طيب
بقول واللي بقلبي قاله لساني

مانيب جاحد هواك ولاني مسيب
ماضيك هاللي مخاشرني بشرياني

اي والله اني عليك اشتقت يا حبيب
شوق ٍ جرفني اليك وجيت لك عاني

وقمت اتذكر زماني يومك قريب
عندي ولا يلحقك شك ٍ وحقراني

ايام كان الوفا للعاذل مخيب
ما هز شعر الغرام اللي تملاني

اضحك على الحاسد اليا قال واعيب
مسكين محروق دمه من تحداني !

يا كثر ما كنت اغني فيك واهيب
كم شاعر ٍ ما قوى فني وقيفاني

قد قالو الشعر قبلي ناس ٍ تشيب
روس الاوادم وانا ما في نقصاني

لا شك قلت الشعر والخافق صويّب
قلته وانا ميت ٍ بك لكن احياني

والحين برجع على بيتي وانا طيب
وابشرك باقي ٍ ذكرك على لساني

جمعان وقيان

جميع الحقوق محفوظة لـ "جريدة العوازم الإخبارية الموقع الرسمي "

الصعود لأعلى