انت هنا : الرئيسية » الشعر » عبدالعزيز فرحان الكريباني/ ياصاحبي صاحبك حطك بالاهداب

عبدالعزيز فرحان الكريباني/ ياصاحبي صاحبك حطك بالاهداب

يا صاحبي صاحبك حطك بالاهداب
وبداك فـ الزينه وكفى عنك شينه

ترا البشر تفرق كما روس واذناب
فيهم وساع اصدور وثقال طينه

صدري عليك اوسع من ابواب وابواب
وياشين منهو مايبين بعينه

الرجل ماينقد خويه ليا جتاب
يقول له تسلم يدينٍ امينه

ما عاد فيها لا مصده ومجناب
الغصن لا مال اكثروا حاطبينه

لو إن نوايا الخلق تكتب علي اكتاب
بيين علي بعض القلوب السكينه

ياليت لو الناس تبذل بالاسباب
ما شفت مخلوقٍ تزايد ونينه

خاب الردي ولا ترى الطيب ماخاب
مع الرجال اهل العقول الرزينه

دام البشر لها مخاليب و انياب
كلن يدسم شاربه من يمينه

بقلم/ عبدالعزيز فرحان الكريباني

جميع الحقوق محفوظة لـ "جريدة العوازم الإخبارية الموقع الرسمي "

الصعود لأعلى