انت هنا : الرئيسية » الشعر » نياف المرشدي : للعوازم منطق الحق بضفافه

نياف المرشدي : للعوازم منطق الحق بضفافه

قصيده لها مكانتها عندي في قبيله عزيزه واشخاص اعزاء…….. العوازم

من الشاعر نياف المرشدي العتيبي

علّق المنطق على العز ميقافه
واعتلى بالطيب من طيب مضمونه

ماذخر دون الفخر جملة اوصافه
والتباهي عانق الراي بضنونه

في مدى الهقوات للمجد عرافه
والضنون بهامة العزم مصيونه

توج المعنى ذرا الفكر في قافه
تحت هيبة راية المجد ممنونه

في كنفها والفخر جال بضفافه
قدمها راي السعد والفخر دونه

للعوازم منطق الحق وانصافه
يامقام العز والطيب وركونه

ياشموخن حلق المجد بااطرافه
عزوتن غنى لها النعم بلحونه

الفخر في حاضر اليوم واسلافه
والمكارم في عطا العز مكنونه

يالعوازم ماثنا العزم محرافه
وانتم الكايد سطر راس تحرونه

والمدايح لابن جامع بمشرافه
والفخر عانق سماه وقبّل متونه

والمعالي دونها المجد ماطافه
يحري بضني عطاه وهلت مزونه

والسعد ماخاب في ضل حوافه
فيك ياصوت العوازم يادندونه

يالطواري من بغا العز ماعافه
ونت مضمون السعد سقت عربونه

يابن فالح والفخر توج اطيافه
لابتك للعز والطيب مرهونه

جميع الحقوق محفوظة لـ "جريدة العوازم الإخبارية الموقع الرسمي "

الصعود لأعلى