انت هنا : الرئيسية » الشعر » الشاعر سالم حمد الملعبي / حتى الخبل لا شافني قال عزاه

الشاعر سالم حمد الملعبي / حتى الخبل لا شافني قال عزاه

ما علموك بغيبتك وش جرالي
حتى الخبل لا شافني قال عزاه

مافيه شيٍ موحشٍ ما طرالي
وْلا فيه ضيق الا تعانقت وياه

هذا مداه وضاق صدر الشمالي
تقولليّ وش جاه؟ واقول وش جاه !

عزيز قوم وبهذَلَتْه الليالي
كبا به حصانه وخانت به خطاه

شف حالتي والصبر ما سرّ حالي
بين أَصْدَق الاحساس واللآ مبالاه

تعبت اقول ان الامل راس مالي
واشوف ثوب الصبر ينشق وارفاه

الياس حِمْله فآق كل احتمالي
نوب اتعثّر به و نوب اتخطراه

يرسم على وجهي ملامح ظلالي
و احاول ارسم بسمتي واتحداه

ضميان / والعدّ القراح الزلالي
كبدي تبي قربه ونفسي تحاشاه

طاح الدلو . والسانيه . والحبالي
وانا على جاله ولا ذقت من ماه

والحاجه اللي في نفوس الرجالي
اكثر حراها تخلف الرجل مبداه

كلمه تقال و كلمةٍ ما تقالي
ما كل ما فالصدر للناس تقراه

لو شلت ما شالت ظهور الجمالي
لاطحت ماقالوا عسى الله ياقاه

يا علّ ما لـ منقّل الهرج وآلي
وابليس ياويله من الله ويلاه

لكن بعد ما صار ما زلت غالي
مثل المريض اللي حمل داه برداه

ان جيت يبقى منزلك بالعوالي
عرشك على حطت يدك ماحدٍ جاه

وان رحت / امي جايبتني لحالي
الحب عايش به و عايش بلياه

 

جميع الحقوق محفوظة لـ "جريدة العوازم الإخبارية الموقع الرسمي "

الصعود لأعلى